Пцовиса жирафата Флопи во скопската Зоолошка градина, дознава „Макфакс“. Информацијата ја потврди и директорот Зоран Попов, кој ги чека резултатите од обдукцијата. Флопи повеќе месеци не била во добра состојба, според ЗОО Скопје.
„Во тек е обдукција“, вели Попов за „Макфакс“.
Ова е втора жирафа што пцовисува. Претходната почина во 2014 година на три и пол години. Животниот век им изнесува 25 години. Според тогашното раководство во Зоолошката, причината беше срцева мана.
Зоолошката сега останува со една жирафа.
