Турски државјанин почина за време на летот Истанбул – Диселдорф, по што авионот утрово принудно слета на аеродромот во Белград.
Како што пренесуваат српските медиуми, станува збор за 54-годишниот Р.А., кој во текот на летот станал од своето место и се упатил кон тоалетот во авионот.
Откако подолго време не се вратил, стјуардеса забележала дека патникот се задржал во тоалетот и ја отворила вратата. Мажот бил пронајден во несвесна состојба.
Поради итната медицинска ситуација, авионот бил пренасочен кон Белград, каде принудно слетал. Веднаш по слетувањето интервенирале медицински екипи, но и покрај реакцијата, лекарите можеле само да ја констатираат смртта на 54-годишниот патник.
За случајот било известено надлежното обвинителство, а по наредба на дежурниот обвинител телото на починатиот било испратено на обдукција.
Обдукцијата треба да ги утврди точните причини и околности под кои настапила смртта на турскиот државјанин за време на летот.
