Утрински Весник
Свет

Папата го повика светот да ја запре трговијата со луѓе

Папата Франциско денеска ја повика меѓународната заедница да направи се што е можно за да се запре трговијата со луѓе, велејќи дека многумина станале жртви на таквата експлоатација.

На неделната молитва Папата рече и дека е потребна толеранција и братство против омразата и војната, дека братството меѓу луѓето е човечкото сидро на спасот и дека животот има огромна вредност, како и дека мора да се надминат идеолошките разлики, пренесува Анса.

Ова не е прв пат Папата да се осврне на темата трговија со луѓе, а минатата година, на Светскиот ден на молитва и размислување за трговијата со луѓе, кој Римокатоличката црква го слави во февруари, ги повика младите да се приклучат на борба против ова кривично дело.

„Трговијата со луѓе го нарушува достоинството. Експлоатацијата и поробувањето ја ограничуваат слободата и ги претвораат луѓето во предмети што треба да се користат и фрлаат. А системот на трговија со луѓе ги искористува неправдите и нееднаквостите кои принудуваат милиони луѓе да живеат во услови каде што се ранливи“, рече Папата во таа прилика.

Можете да прочитате

Медведев: Руските сили би можеле да тргнат да го освојуваат Киев

Кличко бара Германија да и испрати на Украина ракети со долг дострел

„Сака да биде холивудски каубој“: Се огласи Кремљ откако Бајден го нарече Путин „луд кучкин син“