Директорот на Управата за извршување санкции, Александар Пандов, во „Наткаст“ на Курир со Љупчо Цветановски, како правник ја коментираше одлуката на судијката Даниела Алексовска-Стојановска која за Васил Јованов, пресудила воспитно поправна мерка – упатување во поправен дом за малолетници за поседување и продажба на наркотички средства.
Тој се осврна и на објавите во јавноста во кои се вели дека мајката на Васил и сопругот на судијката биле колеги.
Нека проверат новинарите, колку случаи како оваа судијка што има досудено на Васил има, каква е судската пракса. Јас ќе кажам, нема. Ако е тоа така, сомнежот е огромен, и кај мене и кај секој здраворазумен чиовек дека има некој друга позадина да се донесе таква пресуда, посочува Пандов.
Васил Јованов ја прегази Фросина Кулакова на булеварот „Партизански одреди“ во Скопје и се товари дека тоа го сторил со умисла затоа што возел без возачка дозвола, поминувајќи на црвено светло и под дејство на алкохол.
