Утрински Весник
Македонија

Падна потпорниот ѕид кај Детската клиника во Клинички центар, извести ЦУК

Potporen Zid Klinicka 3 768x432 1.jpg

Во ноември 2022 до ЦУК стигнале пријави од неколку граѓани кои пријавиле дека потпорниот ѕид на улицата што минува веднаш до Клиничкиот центар „Мајка Тереза“, над Клиниката за детски болести е во лоша состојба, истиот е накосен и постои опасност да падне.

Директорот на Центарот за управување со кризи, Стојанче Ангелов кажа дека од нивна страна веднаш биле известени Министерството за здравство, Градот Скопје и општината Центар, како и МВР за да преземат мерки за да се заштитат животот и здравјето на граѓаните.

„За жал една и пол година подоцна не е преземено ништо. Состојбата со ѕидот е уште повеќе влошена. Рано наутро добивме пријава дека дел од ѕидот е урнат, но прашање на ден, можеби и на час кога ќе се сруши останатиот дел од ѕидот, каде се паркираат и возила, а се движат и лица кои што влегуваат во болницата“, рече Анеглов.

Тој апелира до Министерството за здравство, Градот Скопје и општината Центар итно да се зафатат со надминување на опасноста.

Можете да прочитате

Дизелот повторно поскапува – 24info.mk

Лога: Со распуштањето на Судски совет и Советот на јавни обвинители се загрозува судската независност

Пријавени 47 нови случаи на голема кашлица, вкупно има 746 заболени во државава