Причина за падот на рускиот воен авион кој удри во станбена зграда во градот Јејск, во близина на југоисточната граница со Украина, биле два галеба кои паднале во моторот, објави руската државна агенција ТАСС.
„Причината за падот на бомбардерот во Јејск е ударот на два галеба врз моторите на авионот. Тоа довело до пожар и пад на авионот, објавија агенциите за спроведување на законот“.
According to Russian Emergency Ministry, the number of victims in #Yeysk has increased to 19, four in serious condition.
Eight of them have severe burns and carbon monoxide poisoning.
At least three deaths are also reported. pic.twitter.com/Rnf2NKAkoG
— NEXTA (@nexta_tv) October 17, 2022
Тие наведуваат и дека птиците паднале во моторите при полетувањето на бомбардерот.
„Остатоците од галебите ги пронајдоа експерти при испитување на деловите од авионот“, пренесува ТАСС.
При уривањето на авионот загинаа 15 лица. Пожарникарите успеаја да го изгаснат пожарот, а од запалениот дел од зградата не останало многу. Тој дел од зградата, покажува снимката, е уништен.
