Министерот за надворешни работи Бујар Османи, кој учествуваше на Минхенската безбедносна конференција, денеска отпатува од Минхен во Бон, каде во конзулатот на нашата држава, достави дополнителна станица за фотографирање и издавање пасоши.
– Од Минхен дојдов во Бон, како прв министер за надворешни работи што некогаш ја посетил најпрометната конзуларна единица на нашата држава. Тука донесов и дополнителна станица за фотографирање и издавање пасоши, и сега се обидуваме да им помогнеме на граѓаните со два пункта, во две смени и за време на викендот. Се надевам дека оваа реорганизација значително ќе го скрати чекањето, напиша Бујар Османи на својот фејсбук-профил.
