Селекторот на одбојкарската репрезентација на Македонија, Јошко Миленкоски, и следната сезона ќе остане на клупата на грчкиот клуб ПАОК. Тој денеска во Солун потпиша нов едногодишен договор со тимот што го освои Купот на Грција.
„Имав неколку понуди, размислив и одлучив да продолжам со ПАОК. Навивачите одлично ме прифатија, имам одлична соработка со сите во клубот, блиску сум до дома, а тоа се фактори коишто беа доволни за да го продолжам ангажманот во Грција”, вели предводникот на македонската одбојкарска репрезентација.
Тој веднаш им се враќа на обврските со националниот тим, следните предизвици во Златната Европска лига.
