Кандидатот за градоначалник на Град Скопје од ВМРО-ДПМНЕ, Орце Ѓорѓиевски, соопшти дека ја прифаќа поканата од ТВ Канал 5 за учество во дебата со неговиот противкандидат во вториот круг од локалните избори, Амар Мециновиќ од Левица.
„Тоа е прва телевизија со национална концесија која достави покана за дебата. Граѓаните заслужуваат отворена и аргументирана дебата, во која секој кандидат ќе ги претстави своите визии, програми и решенија за иднината на Скопје. Транспарентноста и почитта кон граѓаните се темели на вистинска демократија, а токму тоа ќе го покажеме и овој пат,“ напиша Ѓорѓиевски на својот профил на Фејсбук.
Дебатата, како што најави, ќе биде можност граѓаните директно да ги слушнат ставовите и предлозите на двајцата кандидати за тоа како го замислуваат развојот на главниот град.
