Светската програма за храна, една од специјализираните агенции на Обединетите Нации, побара 77 милиони американски долари за да обезбеди помош за 874.000 лица погодени од земјотресите во Турција и Сирија.
„Потребно е да се обезбеди храна и топли оброци за 874.000 луѓе погодени од земјотресот во Турција и Сирија“, соопшти агенцијата со седиште во Рим.
Оваа помош би била наменета за 284.000 новораселени лица во Сирија и 590.000 луѓе во Турција, прецизира агенцијата на ОН.
Разорниот земјотрес со јачина од 7,8 степени по Рихтер ги уништи двете земји во понеделникот и досега однесе повеќе од 22.000 животи. Агенцијата досега испратила помош за 43.000 луѓе во Сирија и 73.000 во Турција. Ова се оброци готови за јадење.
„За илјадниците луѓе погодени од земјотресот, храната е една од главните потреби и наш приоритет е да им обезбедиме храна на луѓето на кои им е потребна што е можно побрзо“, рече Корин Флејшер, регионален директор за Северна Африка и Блискиот Исток. .
