Францускиот репрезентативец и дефанзивец на Милан, Тео Ернандез, е уште еден фудбалер чиј дом е ограбен.
Според италијанските медиуми, крадци вчера влегле во куќата на Тео Хернандез, која се наоѓа во миланската област Касано Мањагу.
Сопругата на Тео, Зои Кристофоли, и нивниот шестмесечен син Тео Јуниор, биле во куќата за време на грабежот.
Според првите извештаи, крадците успеале да одземат многу важен плен, а полицијата ги истражува настаните со помош на безбедносните камери во куќата и ги реконструира настаните со помош на сопругата на играчот.
Тео Ернандез е поранешен играч на Атлетико Мадрид, Алавас и на Реал Мадрид. Во Милан е од 2019 година, има одиграно 134 натпревари, постигнал 21 гол и запишал 25 асистенции. Минатата сезона со Милан ја освои Серија А.
