Министерството за внатрешни работи ја информира јавноста дека почнувајќи од денеска, од 18 часот, поради најавениот настан за организирано чествување на раѓањето на македонскиот револуционер Гоце Делчев на 4.2.2023 (сабота) во црквата „Св. Спас“ во Скопје, Секторот за внатрешни работи Скопје ќе преземе засилени активности и мерки за подигнување на безбедноста околу местото на одржување на настанот, при што ќе се преземат мерки за посебен режим на сообраќајот.
Притоа, од денеска за сообраќај ќе биде затворена улицата Самуилова, на потегот од улицата Иљо Војвода (вијадукт Самуилова) до крстосницата со улицата Прохор Пчињски, а на 4.2.2023 година (сабота) посебен режим на сообраќај ќе се спроведе на улицата Лазар Личеновски и на улицата Самуилова.
Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници на сообраќајниците на кои ќе се одвива настанот, со цел безбедност на сите учесници во сообраќајот.
