Утрински Весник
Економија

Објавен јавен повик за Мерката 112 за помош на млади земјоделци за започнување на земјоделска дејност

5b2e69f8 9aba 7ecf e28c 175e82e46ff1.jpg

Приоритет на Владата и министерството за земјоделство, шумарство и водостопанство е развој на македонското земјоделство, со посебен акцент на младите земјоделци.

За таа цел објавен е јавен повик за Мерката 112 со кој обезбедуваме помош на млади земјоделци за започнување на земјоделска дејност. Вредноста на грантот изнесува 600.000 денари или 10.000 евра, односно 100% од направените трошоци.


Условите кои треба да се исполнат се:

-лицето кое аплицира да биде на возраст од 18 до 40 години,
-истиот за првпат да започнува со земјоделска активност,
-да преземе постоечко или воспостави ново земјоделско стопанство,
– и да е запишани во единствениот регистар на земјоделски стопанства во последните 18 месеци.

Крајниот рок за доставување на барањата е до 9 мај годинава.

Преку мерки и проекти нашата заложба како Влада е да инвестираме во развој на македонското земјоделство, истото да го направиме поконкурентно на пазарот и да отвориме нови работни места за да го зголемиме доходот на земјоделците.

Владата го враќа изгубеното достоинство на земјоделците. Нивниот труд почнува соодветно да се вреднува.

Нашиот фокус е инвестициите во земјоделството да бидат исплатливи и затоа продолжуваме со интензивна поддршка на земјоделскиот сектор.

Младите имаат одлична можност да започнат свој бизнис и да ги искористат можностите кои ги создаваме.

Ветивме, се обврзавме и испорачуваме. Владата останува посветена во носење на мерки и проекти за земјоделците.

Можете да прочитате

Мицкоски: Трговијата во индустријата е зголемена за 13-14% во јули, споредено со истиот месец лани

Министерот за економија Дурмиши на „Бизнис Лидер“: Владата и стопанството се партнери во градење на модерна и одржлива економија

Министерство за енергетика: Усвоен Законот за енергетска ефикасност