Речиси сите демонстранти кои беа уапсени за време на протестите во Белорусија се ослободени од притвор, потврдено е од канцеларијата на главниот јавен обвинител.
Во соопштението се вели дека канцеларијата на главниот јавен обвинител, во соработка со Министерството за внатрешни работи, работи на ослободување на граѓаните уапсени за кршење на административните одредби во врска со учество во неовластени масовни настани.
Властите објавија список на лица што се наоѓаат во притвор и додадоа дека истиот ќе се ажурира навремено, пренесува ТАСС.
