И покрај несогласувањата на некои експерти и истражувањата кои ги истакнуваат можните врски помеѓу месото и одредени болести, како што се проблеми со срцето, нутриционистот од Харвард, Џорџија Еде, тврди дека месото е добро за нас.
„Всушност, ниту една друга група на храна не е доволно хранлива, безбедна или географски достапна за да се препорача како здрава основа за оптимална човечка исхрана“, изјави таа за CNBC.
Таа наведува дека долго време ја интересирала врската помеѓу храната и здравјето на мозокот, како и целокупната благосостојба. Во своето истражување, таа допрва треба да најде кредибилен и убедлив здравствен аргумент против јадењето месо од секаков вид, вклучувајќи црвено месо, морска храна и живина.
Така, кога би можела да избере да купи храна само од една група на храна, таа открива дека би го избрала месото.
-Месото ги обезбедува сите потребни хранливи материи кои не можеме да ги добиеме од исхраната базирана на растенија,вели таа
Месото е добро за здравјето на цревата бидејќи лесно се вари и поддржува здрави нивоа на инсулин без да предизвика скокови во гликозата во крвта. Исто така, ги обезбедува сите потребни макронутриенти и микронутриенти, вклучително и оние кои тешко или невозможно се добиваат од растителна храна.
