Новиот шкотски премиер Џон Свини изјави денеска дека верува оти Шкотска може да стане независна во следните пет години.
„Мислам дека независноста може да се постигне во таа временска рамка бидејќи аргументите за тоа се убедливи“, изјави Свини.
Тој оцени дека Шкотска се соочува со зголемени животни трошоци и последици од Брегзит и дека тоа се „значајни стратешки фактори кои предизвикуваат сериозна економска и социјална штета на Шкотска поради лошите одлуки донесени во Вестминстер“.
„А одговорот на тоа е независноста“, рече Свини.
Тој потсети дека Шкотска е „избркана од Европската Унија против своја волја“, имајќи предвид дека мнозинството гласало против Брегзит, односно дека земјата Обединетото Кралство треба да остане во ЕУ.
Ветеранот на Шкотската национална партија (СНП) Свини беше избран за прв министер на шкотската влада на 8 мај, наследувајќи ја Хумза Јусаф, која поднесе оставка на 29 април, откако претходно ја раскина коалицијата со Шкотските Зелени.
Јусаф поднесе оставка како лидер на про-независната СНП, откако не успеа да обезбеди доволно поддршка за да преживее гласање за доверба.
