Во новите напади има повредени и штети во Тел Авив и во делови од централeн Израел.
Пет лица се повредени во Тел Авив и во централниот дел на Израел по нов бран ирански ракетни напади, според израелските спасувачки служби. Направена е и материјална штета, а сирените за тревога повторно се огласија во повеќе делови од земјата.
Израелската армија соопшти дека од полноќ од Иран биле истрелани шест серии ракети кон Израел. Израелската служба Magen David Adom наведе дека помош им била укажана на повредени лица во Тел Авив и во неговите источни предградија Бнеи Брак и Рамат Ган.
AP јави дека најмалку едно лице било повредено и дека биле погодени неколку станбени области во централниот дел на Израел, што укажува дека состојбата на терен и понатаму се развива и бројките може да се менуваат.
Нападите доаѓаат во услови на поширока ескалација на конфликтот меѓу САД, Израел и Иран, кој според Reuters и AP трае веќе шеста недела и предизвикува нови безбедносни и енергетски потреси во регионот
