Ерлинг Халанд постигна осум гола на последните два натпревари кои ги одигра во интервал од четири дена. Норвежанецот постигна пет гола против Лајпциг во Лигата на шампионите и три во ФА Купот против Барнли.
Манчестер сити, во вторникот, објави дека против Барнли заработил повреда на препоните поради која ќе го пропушти собирот на норвешката репрезентација.
Норвежаните квалификациите за ЕУРО 2024 ќе ги запошнат против Шпанија и Грузија.
„На Ерлинг му беше тешко кога сфати дека нема да може да игра за репрезентацијата. За среќа, имаме доволно самодоверба, талент и хомогеност во тимот за да стигнеме до бодовите на следните натпревари и без него“, изјави Солбакен.
