Од 12:20 часот нормализиран е сообраќајот на локалниот пат Горно Лисиче кон Долно Лисиче и пуштен е во употреба првиот мост во село Батинци, информира АМСМ.
РЦУК – Скопје утрово соопшти дека поради врнежите од дожд синоќа дошло до излевање на Маркова Река преку мостот кај населеното место Љубош и дојдено е до поплавување на неколку куќи, магацини и индустриски објекти во селата Студеничани, Батинци и делови кон Пинтија.
Сообраќајот на државните патишта се одвивa непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
