Годинешни добитници на Нобеловата награда за мир се борецот за човекови права Алес Бјалијацки од Белорусија, руската организација за човекови права „Меморијал“ и украинската организација за човекови права – Центар за граѓански слободи, соопшти комитетот во Осло.
Врвот на Нобеловата сезона, добитникот на наградата за мир, беше прогласен денеска во 11 часот, во заднина на инвазијата на Москва на Украина, која ја втурна Европа во една од најлошите кризи од Втората светска војна.
BREAKING NEWS:
The Norwegian Nobel Committee has decided to award the 2022 #NobelPeacePrize to human rights advocate Ales Bialiatski from Belarus, the Russian human rights organisation Memorial and the Ukrainian human rights organisation Center for Civil Liberties. #NobelPrize pic.twitter.com/9YBdkJpDLU— The Nobel Prize (@NobelPrize) October 7, 2022
Норвешкиот Нобелов комитет ја чуваше листата на номинации во строго чувана тајна, но се знаеше дека вклучува 343 имиња вклучувајќи 251 поединец и 92 организации.
Пред прогласувањето на победниците експертите шпекулираа кој би можел да ја добие оваа година престижната награда, а главен фаворит кај обложувачнците беше украинскиот претседател Володимир Зеленски.
Меѓу другите фаворити беа Светлана Тихановскаја од Белорусија, критичарот на Путин, Алексеј Навални, како и Меѓународниот суд на правдата со седиште во Хаг, Високата комисија на ОН за бегалци, како и Грета Тунберг, Дејвид Атенборо и други организации.
