Израелскиот премиер Бенјамин Нетанјаху, изјави дека нападите од вчера и денес се само загревање.
„Во наредните денови ќе погодиме илјадници цели на терористичкиот режим. Ќе подготвиме услови храбриот народ на Иран да се ослободи од синџирите на тиранијата. И затоа ви велам повторно: Граѓани на Иран, не ја пропуштајте оваа можност. Ова е можност што доаѓа само еднаш во генерација. Не седете со скрстени раце, бидејќи вашиот момент наскоро ќе дојде.
Моментот кога мора да излезете на улица, да излезете на улица масовно и да ја завршите работата, да го соборите режимот на страв што ви го загорчи животот. Вашето страдање и жртва нема да бидат залудни. Помошта што ја баравте пристигна. Помошта пристигна и сега е време да се обедините за историска мисија. Граѓаните на Иран – Парси, Курди, Азербејџанци, Ахвази и Бушмани – сега е време да се обедините, да го соборите режимот и да ја обезбедите вашата иднина“, рече Нетанјаху.
