Четири лица загинаа, а неколку се ранети при пукање во вечерните часови во градот Дејдвил, во американската сојузна држава Алабама, соопшти локалната полиција.
Пукањето се случило во сабота навечер во студио за танцување, најверојатно за време на роденденска забава.
Засега нема информации што довело до пукањето, ниту дали убиецот е во притвор, пренесе АП.
„Утрово тагувам со граѓаните на Дејдвил и со луѓето од Алабама. За насилниот криминал нема место во нашата држава“, рече гувернерот на Алабама Кеј Ајви.
Дејдвил се наоѓа на околу 90 километри североисточно од градот Монтгомери.
