Научен собир „65 години италијански студии на Универзитетот „Св. Кирил и Методиј“ во Скопје“ денеска ќе се одржи во свечената сала на Ректоратот на УКИМ. Организатори на дводневниот научен собир се Универзитетот „Св. Кирил и Методиј“ и Филолошкиот факултет „Блаже Конески“ од Скопје.
Според прграмата, на отворањето на собирот ќе се обратат проф. д-р Анастасија Ѓурчинова, раководител на Катедрата за италијански јазик и книжевност, проф. д-р Владимир Мартиновски, декан на Филолошкиот факултет „Блаже Конески“ – Скопје, проф. д-р Биљана Ангелова, ректор на Универзитетот „Св. Кирил и Методиј“ во Скопје и италијанскиот амбасадор во земјава Андреа Силвестри.
Видео обраќање ќе има Дача Мараини, почесен гостин.
