Колумбиец успеал да ја спречи Алцхајмеровата болест благодарение на неговиот природен имунитет и покрај тоа што имал ген што го правел поподложен на болеста. „Дејли мејл“ објави дека Колумбиецот е официјално вториот познат случај со природен имунитет.
Тим од меѓународни научници откри дека Колумбиецот, за кој се предвидува дека имал деменција во неговите 40-ти, носел и ретка генетска варијација што му помогнала да се заштити од ослабување на меморијата.
Човекот починал на 74-годишна возраст со само умерена деменција.
Истражувачите се надеваат дека нивните наоди би можеле да доведат до одредени области во мозокот каде што болеста може да се запре или да се одложи прогресијата, што ќе донесе надеж за милиони луѓе кои имаат Алцхајмерова болест.
Ова доаѓа откако научниците од Технолошкиот институт во Масачусетс (МИТ) открија нов начин за да се промени Алцхајмеровата болест, користејќи низа аминокиселини да спречат ензим кај глувците што е типично премногу активен во мозокот на луѓето со оваа болест.
Човекот, поранешен механичар од Колумбија, ја наследил мутацијата на генот „Paia“ кога се родил, што предвидува дека болеста би го убила во неговите 60-ти. Оваа мутација е најчеста причина за раниот почеток на Алцхајмеровата болест и најчесто се наоѓа кај оние што живеат во Колумбија. Лесно когнитивно оштетување се појавува на околу 45-годишна возраст, а деменција до 50-та година.
Наместо тоа, човекот што го проучувале научниците ја задржал отпорноста на болеста и се пензионирал во раните 60-ти години пред да умре на 74 години во 2019 година.
Човекот првпат бил прегледан од невролози на 67-годишна возраст, кои откриле дека е когнитивно нормален, а ниту тој ниту неговото семејство биле загрижени за неговата меморија.
Тој е вториот пациент кој некогаш се спротивставил на моќта на генот за Алцхајмерова болест, објави тим на научници во списанието „Nature Medicine“.
Истражувачите го разгледале неговиот геном за да пронајдат различна мутација која можеби му помогнала да се заштити од болеста. Тимот открил дека мажот има мутација во генот кој го кодира протеинот наречен релин, кој е поврзан со мозочни нарушувања, вклучувајќи шизофренија и аутизам.
Научниците сметаат дека протеинот можеби бил тој што го спасил човекот од деменција, бидејќи неговиот мозок изгледал како некој зафатен од оваа болест.
