Украинската армија потврди дека во саботата извршила напад врз мостот Чонхар, кој го поврзува полуостровот Крим со рускиот окупиран дел од областа Херсон.
Потврдата на Дирекцијата за стратешки комуникации на вооружените сили на Украина уследи откако руските полномошници во окупираните територии на регионот Херсон ја обвинија Украина за употреба на крстосувачки ракети за напад на мост и железничка линија што ги поврзува градот Џанкој на Крим и Хеническ во Регионот Херсон со крстосувачки ракети рано наутро во саботата, пишува „Киев Индипендент“.
Министерството за одбрана на Русија соопшти дека противвоздушната одбрана соборила седум ракети.
Џанкој, железнички центар на северот на Крим, се наоѓа на околу 75 километри јужно од пристанишниот град Хеническ и на околу 35 километри од мостот Чонхар.
