Утрински Весник
Економија

Награда и признание за Азески од Универзитетот „Гоце Делчев”-Штип”

Branko Azeski I Rektorot Na Ugd Mirakovski.jpg

Во знак на признание и благодарност за неговиот значаен придонес и соработка со Универзитетот „Гоце Делчев”-Штип, претседателот на Стопанската комора на Северна Македонија, Бранко Азески доби благодарница и награда од страна на Универзитетот.

Оваа почесна награда му беше врачена од ректорот проф. д-р Дејан Мираковски по повод 27 март-патронат на УГД за 2024 година. Наградата е знак за благодарност за неговиот важен придонес во областа на економијата и неговата активна соработка со образовната институција, како и напорите на Азески за поврзување на образованието и науката со бизнис секторот.

17 години од основањето Универзитетот „Гоце Делчев” – Штип го одбележа со свечена академија како централен настан. Традиционално, внимание на овој настан им беше посветен на студентите со најдобар успех, како и на институциите со кои УГД има одлична соработка и заеднички придонесуваат за развојот на нашето општество.

Во фокусот на годинашното одбележување на патрониот празник на УГД беше прашањето – Што треба да значи еден универзитет за општеството во кое делува?

УГД е универзитет кој во своето 17-годишно постоење се стреми кон воведување и развој на нови технологии, учество во научноистражувачките текови на светско ниво, креирање иновации, пренос на знаење на студентите и грижа за вработените.

Можете да прочитате

Битиќи: Уште една бесплатна лекција до Трајко Славески

Деспотовски: Македонија е со највисок раст на реалната плата и продуктивноста во регионот

Ангеловска-Бежоска: Народната банка втора земја во светот која учествуваше во пилот проектот на ММФ за оценка на транспарентноста