Најмногу дожд изминатите 24 часа наврнало во Гевгелија – 19 литри на квадратен метар, а најмалку еден литар во Скопје – Зајчев Рид, Охрид и Тополчани.
Според податоците на Управата за хидрометеоролошки работи за изминатите 24 часа, до седум часот утрово, во Струмица наврнале 13 литри на метар квадратен, 10 во Пожаране, 9 во Маврови Анови, 7 во Ѓуриште, 6 во Куманово, Лазарополе, Скопје – Петровец, Крушево и Штип, 5 во Тетово, Демир Капија Берово и Битола, 3 во Крива Паланка, Виница и Велес и 2 во Кавадарци и Претор.
Времето денеска ќе биде облачно насекаде со врнежи од дожд, кои ќе бидат пообилни во јужните делови, локално литри на метар квадратен. Ќе дува слаб до умерен ветер од северен правец. Максималната температура ќе биде во интервал од 8 до 12 степени.
Во Скопје, облачно со врнежи од дожд. Ќе дува слаб до умерен северен ветер. Максималната температура ќе достигне до 11 степени.
