Најмалку 18 лица загинаа, а неколку стотици се повредени за време на викендот во силно невреме во Тексас, Оклахома и Арканзас во Соединетите Американски Држави.
Невремето предизвика најголема штета во регионот кој се протега од северниот дел на Далас до северозападниот агол на Арканзас, додека постои закана од уште полошо време да ги погоди и другите делови на американскиот среден запад.
Синоптичарите веруваат дека најголем ризик ќе има во источниот дел на САД, на широк простор од Алабама до близу Њујорк.
Гувернерот на Кентаки, Енди Бешеар, прогласи вонредна состојба, наведувајќи „повеќе извештаи за штета од ветер и торнадо“.
