Најмалку 13 лица загинаа во пожар што избувна во интернат во Кина.
Пожарот избувнал во петокот вечерта во училиштето Јингкаи во селото Јаншанпу, во близина на градот Нанјанг во провинцијата Хенан, објавија кинеската централна телевизија и новинската агенција Ксинхуа.
Пожарникарите брзо го изгаснале пожарот, а директорот на училиштето, според извештаите, бил приведен.
Јингкаи е приватен интернат со градинка и основно училиште, објави The Paper, весник поддржан од владата. Училиштето им дава одмор на учениците на секои две недели, но ова не беше празничен викенд, објави медиумот, цитирајќи неколку локални жители.
Многу од учениците на Јингкаи се од рурални области, се вели во соопштението, додавајќи дека пожарот избувнал во петокот околу 22 часот.
