Најмалку три лица загинаа кога нивниот спортски авион се урна денеска во швајцарскиот регион Пон де Март.
Несреќата се случила утрово околу 10:20 часот во шума во кантонот Нешател, соопшти полицијата.
Пилотот и двајцата патници загинале на лице место, јавува Ројтерс.
Акцијата за спасување била тешка бидејќи несреќата се случила на стрмен терен, додаваат од полицијата.
Засега не е позната причината за несреќата, но е отворена истрага. Од полицијата нагласија дека нема да даваат дополнителни информации за загинатите додека нивните семејства не бидат информирани за несреќата.
Спасувачките служби и полицијата се на местото на несреќата, а властите отворија истрага за околностите на несреќата, пренесе РТН.
