На холандските државни службеници наскоро повеќе нема да им биде дозволено да ја користат кинеската апликација ТикТок на нивните официјални мобилни телефони, објави холандското Министерство за внатрешни работи, по слични одлуки од неколку европски земји.
Холандското министерство соопшти дека ја обесхрабрува употребата на апликации од „земји со агресивна сајбер програма насочена кон Холандија или холандски интереси“ на владините телефони.
Холандската разузнавачка служба AIVD минатиот месец ги именуваше Кина, Русија, Иран и Северна Кореја како земји кои имаат агресивна сајбер програма, што создава ризик за шпионски активности.
Претходно овој месец, Белгија го забрани ТикТок, во сопственост на кинеската компанија ByteDance, да ги користи телефоните и компјутерите на вработените во федералната влада.