Утрински Весник
Спорт

Најбогатиот Британец, Џим Ретклиф потврди дека ќе се обиде да го купи Манчестер јунајтед

Најбогатиот Британец, Џим Ретклиф потврди дека ќе се обиде да го купи Манчестер јунајтед

Сер Џим Ретклиф, најбогатиот Британец и долгогодишен навивач на Манчестер јунајтед, потврди дека е еден од кандидатите за купување на клубот кој е поставен на пазарот од американските сопственици, семејството Глејзери. Неговата компанија „Инеос“, која е делумен сопственик и спонзор на Формула 1 тимот на Мерцедес, потврди дека тие „формално“ се во процесот.

dobivaj vesti na viber

Глејзери во ноември потврдија дека почнуваат процес за барање на инвеститори или на целосно продавање на клубот по контроверзни 17 години на чело на клубот. Се очекува дека тие ќе бараат најмалку 5 милијарди фунти за клубот, за кој се заинтересирани и повеќе инвеститори од Блискиот Исток, пред се од Саудиска Арабија.

Формалното доставување на понуди за клубот почнува во февруари, а се очекува да има и кандидати од САД.

Ретклиф и во текот на летото се обиде да купи премиерлигаш, откако даде понуда за Челси кога Роман Абрамович мораше да го продаде клубот, но ја загуби битката од американскиот конзорциум предводен од Тод Бели, кој плати 2.5 милијарди фунти и вети 1.75 милијарди фунти во инвестиции во клубот.

Можете да прочитате

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами

Пораз на Денвер во Феникс – Дурент го запре Јокиќ