Министерството за здравство соопшти дека вчерашниот ден на Институтот за радиологија бил регистриран технички проблем при снимање на магнетна резонанца (МР) кај пациент кој бил приклучен на кислородна поддршка.
Од Министерството нагласуваат дека веднаш се преземени сите безбедносни мерки, а пациентот е во добра здравствена состојба.
Во меѓувреме, се работи на отстранување на дефектот на апаратот, додека другите два апарата за МР функционираат непречено и сите пациенти ја добиваат потребната здравствена услуга.
За да се обезбеди непречено снимање, во интерес на пациентите е воведена втора смена за МР, се додека не се надмине техничкиот проблем, се наведува во соопштението на Министерството за здравство.
