Осумнаесет години има мотоциклистот кој е повреден во тешката сообраќајна несреќа што се случи вечерва во Чаир, соопшти МВР.
Според информациите што веќе ги објави „Макфакс“ несреќата се случила кога автомобил му го пресекол патот на моторциклот, а тој удрил во левата страна од „фолксвагенот“.
Од полицијата објавија детали за несреќата.
„Денеска околу 17,40 часот пријавено е дека на ул.Ќемал Сејфула се случила сообраќајна несреќа помеѓу мопед Јамаха со скопски регистерски таблички, управуван од К.Џ (18) од Скопје и патничко возило Фолксваген Пасат управуван од Е.Р. (24) од Скопје“, велат од МВР.
До овој момент пријавен како повреден е К.Џ. кој со возило на Брза помош бил пренесен во Ургентен Центар каде му била укажана лекарска помош и констатирани се тешки телесни повреди. Увидот е во тек.
