Рома во финишот на преодниот рок ќе ја засили одбраната. До крајот на денот договор со „волчицата“ ќе потпише Диего Љоренте. Шпанецот, до крајот на сезоната ќе биде позајмен во Рома, а потоа клубот од „Олимпико“ ќе може да го откупи неговиот договор од Лидс јунајтед.
Диего Љоренте, пред две и пол години, за сума од 20.000.000 евра од Реал Сосиедад се пресели во Лидс. На неговиот трсснфер инсистираше тогашниот менаџер Марсело Бијелса.
Повремениот шпански репрезентативец беше стандарден кај Бијелса, но го загуби местото во тимот по доаѓањето на Џеси Марш.
Рома договорот на Љоренте ќе може да го откупи за 10.000.000 евра.
Во исто време Рома го испрати левиот бек Матијас Виња во Борнмут.
