Потпретседателот на ВМРО-ДПМНЕ, Тимчо Муцунски престојува во работна посета на САД, каде имаше работна средба со високи претставници на Стејт департментот.
Во рамките на средбата со Стивен Џи, Директор во Директоратот за Јужно – Централна Европа и Бенсон Сивек, офицер кој е одговорен за Македонија, беа потврдени одличните билатерални односи помеѓу нашата држава и САД кои неопходно е во иднина да продолжат да се надградуваат во духот на стратешкото партнерство помеѓу двете земји.
Муцунски уште еднаш ја потврди заложбата на ВМРО-ДПМНЕ за итни и темелни реформи во правосудниот систем, но и забрзан економски развој кои ќе бидат одговор на високото ниво на криминал и корупција и тешката економска состојба во државата.
Во рамки на посетата на САД, Муцунски во следните неколку денови ќе оствари средби со членови на Конгресот, високи претставници на меѓународните организации и ќе присуствува на Националниот молитвен појадок кој ќе се одржи утре во Вашингтон.
