Властите на Руската Федерација упатија протестна нота до Велика Британија поради неодамнешниот напад на руската Црноморска флота во Севастопол.
Амбасадорката на Велика Британија во Москва, Дебора Бронерт, утрово беше поканета во Министерството за надворешни работи на Русија, а пред зградата ја пречека група руски демонстранти, кои носеа транспарент на кој пишуваше „Велика Британија е терористичка земја“.
Портпаролката на Министерството за надворешни работи на Русија, Марија Захарова, вчера изјави дека вооружените сили на Украина на 29 октомври извршиле напади со беспилотни летала на бродови и инфраструктура на руската Црноморска флота во Севастопол.
„Овие напади ги изврши Киев под водство на британски експерти. Во овој контекст британскиот амбасадор во блиска иднина ќе биде поканет во Министерството за надворешни работи на Русија“, рече Захарова.
