Русија и Украина ја спроведоа најновата од серијата размени на воени заробеници, при што двете страни предадоа по 50 лица, соопштија властите во Киев и Москва.
Руското Министерство за одбрана соопшти дека Украина ослободила 50 руски војници, кои биле заробени, пренесува „Ројтерс“.
Андриј Јермак, шефот на администрацијата на украинскиот претседател, објави дека Украина примила 48 војници и двајца офицери.
„Успеавме да вратиме 19 бранители на Мариупол, како и 15 затвореници од нуклеарната централа во Чернобил и седуммина од Змискиот Остров“, рече Јермак.
Киев и Москва досега размениле над 1.000 воени заробеници од почетокот на конфликтот во февруари.
Украина ослободи 50 руски војници, соопшти руското Министерство за одбрана по размената на заробеници меѓу двете страни.