Утрински Весник
Свет

Москва ја пофали декларацијата на Г20 која не ја критикува руската војна во Украина

Москва ја пофали декларацијата на Г20 која не ја критикува руската војна во Украина

Русија ја пофали декларацијата на Групата 20 најголеми економии, која директно не ја критикуваше Москва за нејзината агресија врз Украина и рече дека лидерите на самитот во Њу Делхи дејствувале во интерес на решавање на конфликтот, пренесува Ројтерс.

dobivaj vesti na viber

Учесниците на Г-20 вчера во Њу Делхи усвоија декларација со консензус, во која не се споменува осуда на Русија за војната, но се повикуваат сите земји да не користат сила за да окупираат територија.

„Се се одрази во избалансирана форма. Сите членки на Г-20 се согласија да дејствуваат како едно во интерес на мирот, безбедноста и решавањето на конфликтите ширум светот“, изјави Светлана Лукаш, руски претставник во Г20, цитирана од руската новинска агенција Интерфакс.

Во неколку недели пред самитот овој викенд, земјите од Г-20 имаа проблем да најдат консензус формулацијата на војната.

Официјален претставник на Европската унија, кој сакаше да остане анонимен, изјави денеска за Ројтерс дека преговорите за декларацијата на лидерите на Г-20 траеле до последен момент и дека украинската војна е најспорното прашање за да се постигне консензус.

Официјалниот претставник го пофали силното водство на Индија, додавајќи дека Бразил и Јужна Африка исто така одиграле клучна улога во преговорите.

Украинското Министерство за надворешни работи во саботата соопшти дека заедничката декларација на Г-20 не е „нешто со кое треба да се гордееме“ и критикуваше дека во неа не се споменува нападот на Русија врз Украина.

Можете да прочитате

Се запали траект во море, спасени 177 луѓе: на бродот имало и мигранти, итно реагирала италијанската полиција

Силен земјотрес во Турција, се почувствувал и во Грција

(Видео) Путин се обрати на јавноста, ветува обнова на окупираните територии во Украина