Утрински Весник
Македонија

МОН: Оваа и следната недела печатење и испорака на најголем дел од новите учебници

МОН: Оваа и следната недела печатење и испорака на најголем дел од новите учебници

Министерството за образование и наука информира дека оваа и следната недела ќе испечатат и ќе испорачаат најголем дел од новите учебници за прво, второ, четврто и за петто одделение.

dobivaj vesti na viber

Станува збор за над 20 учебници за кои нема жалбени постапки по наставни предмети во прво, второ, четврто и во петто одделение, и тоа на сите јазици на кои се изведува наставата во основните училишта во државата, односно на македонски, албански, турски, српски и на босански јазик.

Потсетуваме дека нивната изработка следуваше по креирањето нови наставни програми за овие одделенија во согласност со планот за етапна реформа на основното образование. Во меѓувреме, за учениците беа набавени квалитетни наставни материјали што ја обработуваат материјата за првото тримесечје за да може да работат за време на часовите и да го повторуваат совладаното по завршувањето на часовите.

МОН заедно со другите надлежни институции ќе продолжи да вложува во изработка на нови наставни програми и учебници затоа што тоа е еден од основните услови за квалитетна едукација, односно воспитно-образовен процес“, соопштија од МОН.

Можете да прочитате

Нормализиран сообраќајот за камиони кон „Блаце”, на „Табановце“ се чека околу 30 минути

Повторно одложено судското рочиште за случајот Веапоска на кое требаше да биде презентиран извештајот од супервештачењето

СДСМ: Владата ќе потроши 1,8 милиони евра на кампања за ЕКСПО во Белград, но нема пари за Кочани и за пожарникарите