Додека болницата во Кочани е оставена само со една докторка, владата денес сама си организира трибина “Кочани е наш приоритет?!” пишува на социјалните мрежи пратеничката од Левица, Јована Мојсоска.
„Каков приоритет побогу, кога токму власта не поддржа закон за помош на фамилиите, кога родители кои останале без работа јавно апелираат дека имаат нула помош од државата? Кога пациенти сведочат дека се оставени без креми за третирање, дека болницата во Кочани се опремува со донации од волонтери?
Два месеци е доволно време за болницата во Кочани да се зајакне во капацитетите, да се направи реогранизација на персоналот, па и да се набави една специјализирана када (додека фрчат тендери за кашкавали и сирења). Значи, откако вчера во Собрание пратениците од власта го одбија барањето за Надзорна расправа за Кочани, денес си организираат трибина зад затворени врати – каде никој не смее да постави “незгодни” прашања….“ пишува таа.
