Менаџерот на Вест Хем, Дејвид Мојс, зборуваше пред вечерашното финале во Конференциската лига против Фиорентина во Прага.
„Пред сѐ, прекрасно е да се биде овде. Да се биде во европско финале е возбудливо за секој менаџер. Се надевам дека ова е почеток – секогаш велев дека мислам дека најдобрите години допрва доаѓаат, но секако уживам во моментот“, започна тој.
„Отидовме два-три дена во Португалија, трениравме, уживавме и малку се одморивме. Одигравме 56 натпревари во Премиерлигата и во Европа оваа сезона, па само да поминеме неколку дена со играчите беше одлично“, продолжи Мојс.
Менаџерот на Вест Хем не штедеше комплименти за противникот.
„Фиорентина многу ме импресионираше. Нивната форма од Светското првенство е многу добра. Тие веќе стигнаа до едно финале на Купот на Италија, а тоа кажува дека не се случајно тука. Италијанските тимови се секогаш тежок противник и ние максимално ги почитуваме“, изјави Дејвид Мојс.
