Бојан Миовски беше стрелец на победничкиот гол за фудбалската репрезентација на Македонија на денешниот пријателски натпревар против Фарски Острови. Тој погоди во 82.минута за триумф од 1:0.
„Мило ми е што ја префрлив добрата форма од клубот и на репрезентативните настапи. Мислам дека треба да бидеме задоволни со овие две победи, а сега треба да размислуваме за следниот мини циклус во јуни. Тогаш нѐ очекуваат дуели со Украина и со Англија и клучен момент е сите да бидеме стандардни во клубовите и да имаме голема минутажа. Така ќе имаме и добар ритам за дуелите што ни претстојат во националниот тим. Овој денешен натпревар беше одлична можност и некои други фудбалери да се вклопат и да се воиграат со останатите. На крајот најважно е што остваривме две победи“, изјави Бојан Миовски.
