Скопје-Петровец со минус два степени беше најстуденото место утрово. Во Штип, Струмица, Крушево и Маврово во 8:30 часот беа измерени -1 степен. Нула степени беа измерени во Скопје-Зајчев Рид, Крива Паланка, Велес, Демир Капија, додека еден степен во Виница и Берово.
Најтопло утрово беше во Гевгелија, каде беа измерени пет степени.
Дожд во изминатите 24 часа имаше во Маврово и Попова Шапка, каде наврнаа 1 литар на метар квадратен.
Времето денеска променливо облачно со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 7 до 13 степени.
Во Скопје променливо облачно со сончеви периоди и максимална температура до 9 степени.
