Мимоза Муса, пратеничка од Алијанса за Албанците на Арбен Таравари, предмалку објави статус на фејсбук, кој вели дека таа сепак ќе остане дел од владејачката коалиција ВЛЕН.
„Пред една година, на 8 мај, ја добивме довербата од над 107 илјади Албанци како пратеници на Алијансата за Албанците, во листата на коалицијата ВЛЕН. Овој мандат не е само бројка, тоа е гласот на народ уморен од над 20 години моќ на ДУИ кој очајно бара промена.
Поминуваме низ тежок политички период и пријателите и соработниците прашуваат со кого е пратеничката Мимоза Муса? Денес, во турбулентна политичка клима, сакам да бидам јасна со вас: Јас сум заменик на Алијансата за Албанците.
Нема да ја издадам довербата што ми ја дадовте. Не сум тука за лични интереси, туку да служам достоинствено и одговорно на секој гласач кој верувал во оваа мисија. Промената започна и ќе ја продолжиме напред“, напиша Муса на Фејсбук, а нејзиниот статус го споделуваа високи функционери на ВЛЕН.
Засега на Таравари лојални му се тројца пратеници.
