Милвоки Бакс се разделија со тренерот Мајк Буденхолцер, објави франшизата.
„Одлуката да се направи оваа промена беше многу тешка“, изјави генералниот менаџер на Бакс, Џон Хорст, пренесува официјалната веб-страница на НБА.
„Бад пго водеше нашиот тим низ пет неверојатни сезони. Со него, по пауза од 50 години ја освои титулата. Благодарни сме за културата на победа и лидерството што Бад помогна да се создадат“, додаде тој.
Буденхолцер е еден од учениците на Грег Поповиќ, на кого му беше асистент во Сан Антонио Спарс од 1996 до 2013 година.
Со Милвоки, Буденхолцер го освои шампионскиот прстен во 2021 година, на клупата на тимот од Висконсин беше од 2018 година, а претходно пет години беше тренер на Атланта Хокс.
Двапати беше прогласен за тренер на годината.
Буденхолцер го имаше најдобриот учинок со Бакс во лигашкиот дел од сезоната, но беше елиминиран во првото коло од плејофот од Мајами Хит со 4-1.
