Утрински Весник
Спорт

Милвоки е првиот тим во НБА што обезбеди плеј-оф

Милвоки е првиот тим во НБА што обезбеди плеј-оф

Милвоки Бакс стигна до 50. триумф оваа сезона во НБА лигата, откако победи со 104:116 на гости против Феникс санс. Со тоа стана и првиот тим кој обезбеди учество во плеј-офот. Јанис Адетокумбо постигна 36 поени и влезе во листата на кошаркари кои во кариерата уфрлиле преку 16.000 поени.

dobivaj vesti na viber

Лос Анџелес Лејкерс беа шутерски расположени во победата над Њу Орлеанс Пеликанс од 123:108. Тие во првото полувреме погодија дури 15 тројки од 27 обиди и поставија нов клупски рекорд. Ентони Дејвис со 35 поени и 17 скокови беше предводник на тимот, а Малик Бисли постигна 24 поени. Тој имаше дури седум „тројки“ во првото полувреме.



Најдобриот тим во Западната конференција, Денвер нагетс, доживеа пораз (110:125) од Торонто репторс. Никола Јокиќ го заврши мечот со 28 поени, а Нагетс уште еднаш одиграа слабо во одбраната, со оглед дека на трет меч по ред примија над 120 кошеви.

Резултати, НБА: Шарлот – Кливленд – 104:120, Вашингтон – Детроит – 117:97, Торонто – Денвер – 125:110, Оклахома Сити – Бруклин – 121:107, Њу Орлеанс – ЛА Лејкерс – 108:123, Сан Антонио – Орландо – 132:114, Феникс – Милвоки – 104:116, Портланд – Њујорк – 107:123.

Можете да прочитате

Франческо Бањаја потпиша нов договор со Дукати

Се отвора позиција за Ферстапен да се пресели во Мерцедес !?

УЕФА потврди: Од следната сезона нов формат на европските купови