Се уште не е познато каде ќе игра Лионел Меси следната сезона. Неговиот договор со Пари Сен Жермен истекува на лето и извори блиски до славниот Аргентинец велат дека тој нема намера да остане во Франција следната сезона.
Барселона потврди дека е во контакт со Меси и неговото семејство, потпретседателот на Каталонците Рафа Јусте проговори за можното враќање на Аргентинецот, но клубот се уште бара начин како би можел да го вратат во „Камп Ноу“.
Од друга страна, од Саудиска Арабија пристигнуваат вести дека Ал Хилал е подготвен да му плаќа на Меси 220 милиони евра годишно, со што би станал најплатен фудбалер во светот. Познато е дека Кристијано Роналдо добива 200 милиони евра годишно во Ал Наср.
Договорот на Меси со ПСЖ е до крајот на јуни 2023 година, кога ќе го прослави својот 36 роденден. Тој оваа сезона одигра 32 натпревари за „светците“ во сите натпреварувања, постигнувајќи 18 гола и забележа 17 асистенции.
