Мери Дика е новата в.д. претседателка на скопска Апелација. Судскиот совет донесе одлука за престанок на мандатот на Лидија Димчевска, бидејќи исполнила услови за старосна пензија. Дика ќе ја извршува функцијата се додека не се избере претседател.
Дика во изјава за „Макфакс“ потврдува дека конкурирала и за претседателската функција.
„Уште изборот не е започнат. Јас сум конкурирала. Денеска беше избор за вршител на должност“, вели дика за „Макфакс“.
Димчевска беше избрана за претседател на скопска Апелација во 2018 година. По истекот на мандатот, таа беше вршител на должност.
