Премиерот Христијан Мицкоски денеска изјави дека во Буџетот нема пари за субвенционирање на разликата во придонесите меѓу 24.400 до 500 евра минимална плата.
„Жалам што ССМ полека но сигурно се претвара во партиски гласноговорник на коалицијата Левица, СДСМ и ДУИ и практично тоа што овие го говорат во Парламент овие го говорат на прес конференции но тие одбрале таков начин да функционираат. Така мислат сега они од Буџетот ќе дадеме за да нема за улици, да нема за градинки, за училишта, за канализации. Дополнителните придонеси кои би ги плаќала владата не се предвидени во Буџетот.“ рече Мицкоски.
Мицкоски ја доведе во прашање и репрезентативноста на синдикатите.
-Не знам како би се сложиле (работодавачите) кога немаме репрезентативен претставник на синдикатите. Доколку се избере и доколку тој заедно со работодавачите се сложат за 30 илјади денари во која што работодавачите целосно ќе ги исплатат придонесите, ние ќе го прифатиме. Треба да се формира Комисија за утврдување на репрезентативноста. Таа утврдува кој од синдикатите ги исполнува условите согласно правилникот, додаде премиерот.
